|
Ub'b Burnhoff gift et allerlei:
Höhner un Peer,
Müse, een Hund un Kadn,
Kai un Swine.
Us't Peerd heete Fanny. Opa ha' noch Ossn. Een lütjen Trecker ersäte dänn dat Peerd.
De Hund, een 'Spitzdakl', heete Purzel un de swade Katt köm ut Bräm un heete Susi.
Uk de fief Kaih ha'n Nôm: Hertô, Annô, Lisô usw.
Dor sünt de Äcker un Weidn, de groode Gorn is dor un dat Hus, de Kirschboom un de Walnußboom vör'n Kögnfenster, ganz väl Zwetschnböme un een Boskoppablboom.
Meschîn gift et uk: de Dröschmeschîne, de Möhln, de Häklsler, de Meschîne to'n Röbn schnibln, de Maihmeschîne usw. (den Rest leentn we us vom Nachborn: de Saihmeschine usw. De ha' dänn uk 'n Binder, dänn sogor 'n Mähdrescher).
De Waschmeschîne, halbautomôtisch, de Schleuder dornäbn, de Brotmeschîne, de Elektroherd von AEG usw.
'n Fernseher köm 1967 in't Hus, dänn uk de Kühlschrank.
Dorvör güng' wi Kinner Sönndagcs to'n Fernseh kîgn no'n Grootbuurn. Dor seetn ale vör'n Flimmerkassn: väl Kinner un de Knechte, de Mölker. Wad häbt wi seen? Fury un Lassie, Karl May-Filme mid Ralf Wolter, 'Das Geheimnis der goldenen Maske' un düsse Fernforher-Serie mid den dickn Philipp.
Bonanza ers löder. Uk im eegenen Fernseher: Mit Schirm, Charme und Melone mid Emma Peel un John Steed; Die Vögel von Hitchcock - dornô könn ik lange nich inslôbn!
|
