|
In speciales collectiones Augustinianas hoc opus receptum non est propter longitudinem. Sed profecto
hominibus doctis propterea utile esse potest, quod observationes non intra fines nimis angustos
coartantur. Hic tractatus non modo pertinet ad sermonem Augustini diligentius describendum, sed etiam
ad historiam vocabuli disciplinae explanandam. Auctor optime meritus est et de philologia classica, cum
in Thesauro linguae Latinae elaborando laboraverit, et de theologia biblica, cum multum attulerit ad
novam editionem illius celeberrimi Bauer perficiendam, quam K. et B. Aland edendam curaverunt
laudantes auxilium Victoris Reichmann in pagina prima.
|
