Hasabergtunnlmonschdr

Mr hätt die Bueba wo des Monschdr aglockd ghet het älle ausfraga welle abr dabei isch net viel rauskomma. Bei dera Bolizei sin viele Ausländr gwä aus Sachsa zum Deil odr aus Hessa. Un die hen durchweg Probleme ghet mit dera schwäbische Sprache.
Eigndlich hätt nur ei gotziger die Bueba verschdanda, des wär dr Brahim gwä. Abr auch der hot zum Beischbiel des Wort 𝘉𝘭𝘢𝘧𝘧𝘰 net kennt. Des Monschdr wär aufm 𝘉𝘭𝘢𝘧𝘧𝘰 rumschbaziert un nur ganz manchmol ragfalla! Zum Glick wära ja unda iberall die Berge von Bäll gwä.
»Noi, aufn Buaba ischs nie gfalla, mir sin do älle ganz schnell aufd Seit ghopft.«
Do hot dr Brahim nur bled guckt: 𝘉𝘭𝘢𝘧𝘧𝘰, 𝘉𝘭𝘢𝘧𝘧𝘰?
Un grad des wär jo des Grusligschde iberhaubd gwä!

Dr Udo schrieb am 20.2. 2022 um 11:35:20 Uhr über
Stuttgarter

Jetz komm i hoim un muss denna verzähla was i gseh hob. Isch ja hekschwahrscheinlich scho im Radio komma, des mit dena Schbringmeis, i denk, a ganz gfährliche Mudazion.
Denn dui bibbra scho vor Angschd bevor i was gsagt han.
Hesch gherd, sagt d Anne, mei Frau. Im Hasabergtunnl isch a Monschdr, wo kleine Buba alockd! I han de Max (des isch mei Sehnle) scho schdreng verwarnd!

A Hasabergtunnlmonschdr, wer hett des denkt.

Jetz wird effendlich dr Feinkoschd Böhm agfeindet, weilr dem Monschdr mehrmals mid seim Catering aglieferd hot! Erschd nur bis zum Schbielblatz Herderplatz, dann sogar bis inn Tunnl rei zum Materiallager wo die Buaba älle ghaust hen!
Des isch ibrigns bis faschd obena mit bunte Plaschdigbäll vollbackt gwä, wo sich dann die Buaba schdändich neigschmisse hen.
Ibrigns, des Ende vom Tunnl het d Bolizei vergesse zuzschberre!

Heit in dr Schduggerder Zeitung machd mr sich iberd Bolizei luschdik weil die in dera Hasabergtunnlaffär den Tunnl nur am eina Ende abgschberrd hot. Bekanndlich hot a Tunnl zwei Eingäng, was au ganz besonders auf da Hasabergtunnl zutreffe dät. Und a Bolizeischbrechr hätt sich rausgredet un gsait die vermissde Buba wäret zum ganz ieberwiegenda Teil auf dera Seit zhaus gwä wo dann au dr Tunnl konsequenterweise umgehend ganz schdreng ieberwacht und abgschberrd worra isch.

Dr Max (des isch mei Sehnle) hot gsagt, do wäre (im Tunnl) ieberall an da Wend leuchdende Pfeile gwä wo sich bewegt hen un des Monschdr hätt grufe: »du! du bist auf dem richtigen Weg! Komm zu uns! Sei fluid wie wir alle hier. Sei fluid wie wir! «

D Anne, mei Frau, hets au gherd, der hots richdik grusld weil des Monschdr hochdeutsch gschwätzd hot, un bei dem »fluid« hen ihr d Ohra richdik weh dan.

Also, älles was mr von dem Monschdr bis jetz mit Sicherheid weiß isch dasses Buaba alockt un dasses schriftdeidsch schbrichd un dass scho 15 Buaba als vermisst gelda.

Heilandsack! Jetz wolletse uns zwinga, dass mer von dem Exklusivvertrag zrückträda! Des ganze Geld wo se ons verschbrocha hen! Die hen gmerkd, dasses wedr Daude noch Verletzde noch au bloß Draumadisierde gäbe hot, kein gotzigr Bua!
Mei Frau, die Anne, meint dass mer jetz äba ons was ausdenka missa.

Also, momenta fellt mr dazu nix mehr ei, i schab mi bloß.