|
sie habent kraft über böume und über winwahs, über loup unde gras, über krut und wurze, über korn und allez daz, daz same treit, über die vogel in den lüften und über diu tier in dem walde und über die vische in dem wage und über die würme in der erden: über daz allez samt daz under dem himmel ist, dar über hat unser herre den sternen kraft gegeben, wan über ein dinc: da hat nieman keine kraft über noch keine maht, weder sterne noch wurze noch wort noch steine noch engel noch tiuvel noch nieman wan got alleine; der wil sin ouch niht tuon, der wil niht gewaltes drüber han. Daz ist des menschen friiu willekür: da hat nieman gewalt über danne du selber.
/Berthold von Regensburg - Predigten / in: Klibansky, Panofsky, Saxl: Saturn und Melancholie ...
|
