|
Alexis. Notum sit scire volentibus, dominum W. saneti Sebastiani canonicum concessu domini Baiderami prepositi1 nostri quedam rerum suarum apud ecclesiam nostram depo-suisse et mihi utpote linea consanguinitatis iuneto specialiter commendasse bonum etiam et pium propositum suum de his expendendis sive dispergendis mihi communi causa, ad-iurans me sub testimonio Christi, qui depositis legem integre et fideliter conservandi dedit, ut, si forte viam universe carnis intraret, priusquam propositum suum effectui manciparet, ne commissa fidei mee negligerem sed maturato facto, prout mecum de his ordinaverit, adinplere satagerem. His iam dicto modo quorundam fratrum testimonio dispo-sitis, amicum meum sepe fatum W. sepenumero conveni, monui, ut res apud nos depositas tucius secundum pium propositum suum sive, ut für non effoderet neque tinea demoliretur, deponeret Quam sanctam depositionem dum indesinenter actitaret, contigit eum usque ad mortem infirmari. Ad quem dum sub celeri vocatione cum fratre L. venissem, rogavit nos bre-viter, prout eius sinit debilitas, neque cum lacrimis, ut res, quas in Celestes thesauros locare iam dudum inchoarat, nostra fides et dilectio indesinenter erga ipsum habita consum-mare maturaret. Quid plura? Ipse, de quo sermo est, terribili, qui aufert spiritum tarn principum quam pauperum, terribili apud omnes reges terre, bona confessione reddidit spiritum. Nos autem, prout lacrimis largis adiurarat, bona fide tradita, bona fide recepta dispergendo dedimus pauperibus, ut in Celestes thesauros eorum deportarentur manibus. Hec ideo secundum rei ordinem et veritatem scripto notavimus, ut si forte fama, que tarn ficti pravique tenax quam nuncia veri est, secus divulgaverit, iusticie amatores ac pauperis Christi propugnatores aurem credulitatis obturent. Hoc modo destribuimus res, quas amicus noster W. fidei nostre credidit et, ut saluti anime eius consideremus, lacrimis multis rogavit: ad elemosinas infra tricesimam xxx solidos; ipsa tricesima die fratribus beate Marie x solidos et pauperibus xv solidos; tribus inclusis mulierculis xv solidos; ad sanctumBlasium v solidos; pauperibus prope civitatem v solidos; Hekelinge x solidos; Rüstenleve x solidos; ad duas novellas plantationes in Slavia talentum; item quibusdam religiosis et sancte conversantibus x solidos; puerulo, quem etiam lacrimis nobis commendavit, et familie sue quatuor talenta; pro panno pauperibus x solidos; vi-duis debilibus et decrepitis novem solidolidos.
|
