Hessen

Ei die Hesse
die kann mer hasse
net vergesse:
Mer kanns aach lasse.

Maa enuff
da wohn' de Franke
Fix im Suff
un gut im Zanke.

Mehr im Wesde
find' mer de Pälzer
Massisch Fesde
unn Alka Seltzer.

Obbe driwwer
Fast bei de Labbe
Sischt mer Kiffer
Dorsch Sümmwe schlabbe.
Täschcher leer
die Hos' voll Schlambes
Unnerm Meer
lischt ihr Krambambes.

Rischdung Süd
wohn' Zenz un' Rosi
dene glüht
des Lederhosi.
Wie se Bersch'
erunnerrudsche,
in ihrn Kersch'
Oblate ludsche,
sisch de Ärsch'
im Tanz vertrimme,
mit ganz fersch-
derlische Schdimme
dorsch de Wiese
schreie due...

Bleib in Gieße
Da is' Ruhe.